Azərbaycan Respublikasının İqtisadiyyat Nazirliyi yanında Dövlət Vergi Xidməti “Evim Tekstil” MMC ilə müqavilə bağlayıb.
Banker.az xəbər verir ki, müqavilədə Dövlət Vergi Xidmətinin tanınma nişanları, vəzifəli şəxslərinin xüsusi geyim forması və fərqləndirmə nişanlarının satın alınması nəzərdə tutulur.
Müqavilənin ümumi məbləği isə 820 min 503 manatdır.
Qeyd edək ki, “Evim Tekstil” MMC 2013-cü ildə dövlət qeydiyyatına alınıb. Bu şirkətin nizamnamə kapitalı 10 manatdır və qanuni təmsilçisi Rizvan Təhməzovdur.
