İqtisadiyyat Nazirliyi yanında Əmlak Məsələləri Dövlət Xidməti tərəfindən dövlət əmlakının özəlləşdirilməsinin sürətləndirilməsi və idarə edilməsinin səmərəliliyinin artırılması məqsədilə hərracların təşkil olunması davam etdirilir. Dövlət əmlakının özəlləşdirilməsi ilə bağlı keçirilən növbəti hərracda 1 yarımçıq tikili, 14 nəqliyyat vasitəsi özəlləşdirilib. Dövlət əmlaklarına ümumilikdə 40 sifariş qəbul olunub ki, bunun 11-i elektron qaydada həyata keçirilib.
Ötən hərraclarda olduğu kimi, bu dəfə də nəqliyyat vasitələrinin özəlləşdirilməsinə maraq böyük olub və hərrac rəqabətli keçib. Belə ki, ilkin satış qiyməti 8.500 “HOWO” markalı yük avtomobilinə edilən ən son təklif 12.000 manatadək yüksəlib. Bundan başqa, “BMW” markalı nəqliyyat vasitəsinin ilkin start qiyməti 2.500 manat olsa da, nəqliyyat vasitəsi 3.650 manata özəlləşdirilib.
Özəlləşdirilən yarımçıq tikili isə İsmayıllı rayonunda yerləşir.
Budəfəki hərracda satılmış dövlət əmlakları üzrə 251.200 manat vəsaitin dövlət büdcəsinə ödənilməsi nəzərdə tutulur.
Hərracda özəlləşdirilən dövlət əmlakının siyahısı ilə buradan tanış olmaq mümkündür: (https://bit.ly/3Omt9Tp )
Məlumat üçün bildiririk ki, aprel ayı üzrə daha 2 hərrac keçiriləcək.
Hər kəs Xidmətin rəsmi saytından (emlak.gov.az) və ya Özəlləşdirmə portalından (privatization.az) hərraca çıxarılan dövlət əmlakı üzrə seçim edə bilər. Elektron Xidmətlər Portalından (e-emlak.gov.az) müvafiq hərrac xidmətini seçərək qeydiyyatdan keçib, dövlət əmlakının ilkin hərrac qiymətinin 10 faizi məbləğində behi ödəyib hərracda iştirakçı statusu almaq mümkündür.
| № | Balanssaxlayıcı müəssisənin adı | Avtonəqliyyat vasitələrinin markası | Buraxılış ili | Hərraca çıxarılan ilkin satış qiyməti (manat) | Hərracda yekun satış qiyməti (manat) | Protokol №-si və tarixi |
| 1 | Azərbaycan Respublikası Ekologiya və Təbii Sərvətlər Nazirliyinin 5 saylı Goranboy Regional şöbəsi | ZIL-MMZ-4502 | 1990 | 1000 | 1000 | 06/22 18.03.2022 |
| 2 | Azərbaycan Respublikası Ekologiya və Təbii Sərvətlər Nazirliyinin 6 saylı Ağcabədi Regional şöbəsi | Kamaz-5312 | 1991 | 4500 | 4500 | 06/22 18.03.2022 |
| 3 | Azərbaycan Respublikası Ekologiya və Təbii Sərvətlər Nazirliyinin 6 saylı Qaradağ Regional şöbəsi | HOWO ST3250C | 2008 | 8500 | 12000 | 06/22 18.03.2022 |
| 4 | Azərbaycan Respublikası Ekologiya və Təbii Sərvətlər Nazirliyinin 5 saylı Goranboy Regional şöbəsi | UAZ-3303-01 | 1988 | 700 | 1350 | 06/22 18.03.2022 |
| 5 | Azərbaycan Respublikası Daxili İşlər Nazirliyi Maddi Texniki Təminat Baş İdarəsinə bilavasitə tabe olan Avtomobil Təsərrüfatı | Fiat Doblo | 2011 | 5500 | 5500 | 06/22 18.03.2022 |
| 6 | Azərbaycan Respublikası Daxili İşlər Nazirliyi Maddi Texniki Təminat Baş İdarəsinə bilavasitə tabe olan Avtomobil Təsərrüfatı | Fiat Doblo | 2009 | 5000 | 5000 | 06/22 18.03.2022 |
| 7 | Azərbaycan Respublikası Daxili İşlər Nazirliyi Maddi Texniki Təminat Baş İdarəsinə bilavasitə tabe olan Avtomobil Təsərrüfatı | UAZ 31519 | 2004 | 4000 | 4000 | 06/22 18.03.2022 |
| 8 | Azərbaycan Respublikası Ekologiya və Təbii Sərvətlər Nazirliyinin 5 saylı Goranboy Regional şöbəsi | UAZ-3303-01 | 1988 | 700 | 700 | 06/22 18.03.2022 |
| 9 | Azərbaycan Respublikası Ekologiya və Təbii Sərvətlər Nazirliyinin 6 saylı Qaradağ Regional şöbəsi | Kamaz-6520 | 2008 | 8500 | 8500 | 06/22 18.03.2022 |
| 10 | Azərbaycan Respublikası Məcburi Köçkünlərin Sosial İnkişaf Fondu | Toyota Camry | 2007 | 7000 | 7000 | 06/22 18.03.2022 |
| 11 | Azərbaycan Respublikası Ekologiya və Təbii Sərvətlər Nazirliyinin 5 saylı Goranboy Regional şöbəsi | QAZ-53A | 1982 | 500 | 650 | 06/22 18.03.2022 |
| 12 | Azərbaycan Respublikası Ekologiya və Təbii Sərvətlər Nazirliyinin 5 saylı Goranboy Regional şöbəsi | BMW 730 | 2000 | 2500 | 3650 | 06/22 18.03.2022 |
| 13 | Azərbaycan Respublikası Ekologiya və Təbii Sərvətlər Nazirliyinin 1 saylı Regional Ekologiya və Təbii Sərvətlər İdarəsi | VAZ 21060 | 2000 | 250 | 1300 | 06/22 18.03.2022 |
| 14 | Azərbaycan Respublikası Məcburi Köçkünlərin Sosial İnkişaf Fondu | Mitsubishi Attrage | 2014 | 5500 | 6050 | 06/22 18.03.2022 |
