2022-ci ilin ilk üç rübündə Azərbaycan əhalisinin nominal gəlirləri illik müqayisədə 20.2 faiz artıb.
Bunu Banker.az Dövlət Statistika Komitəsinə istinad edir.
Əhalinin nominal gəlirləri 50 milyard 951.5 milyon manat olub.
Əhalinin hər nəfərinə düşən nominal gəlirlər illik müqayisədə 19.7% artaraq 5 064.6 manat təşkil edib.
Qeyd edək ki, yanvar-sentyabr ayında ölkədə qiymətlər orta illik 13.4% artıb, sentyabrda isə öncəki ilin eyni ayı ilə müqayisədə 15.6% qiymət artımı olub.
Qida məhsullarında inflyasiya 22.5%-ə çatıb.
