®2022-ci ildə yenilənən “Azərsığorta” Şirkəti tərəfindən 5 əsas dəyər qəbul edilmişdir ki, bunlardan biri də insan kapitalıdır. Şirkət bu dəyəri əsas tutaraq yeni əməkdaşların cəlb edilməsi siyasətində öncəliyi təcrübəçilərə verir.
Belə ki, 2022-ci ildə “Azərsığorta” Dövlət Sığorta Kommersiya Şirkətinin müxtəlif departamentlərinə təcrübəçilər seçilmişdir. Bu təcrübəçilərdən müəyyən qismi təcrübə müddətində departmentdaxili işlərin öhdəsindən gələrək təcrübə müddətini uğurla başa vurmuş və Şirkətə əməkdaş olaraq qəbul edilmişdir. Bu isə “Azərsığorta”nın “Dünənin təcrübəçisi, bu günün əməkdaşı” şüarının bariz nümunəsidir.
Daima potensiallı gənclərin peşəkar iş mühitində çalışmasına şərait yaradan “Azərsığorta”da təcrübəçi olmaq istəyənlər [email protected] elektron poçt ünvanına təcrübəçisi olmaq istədikləri departamentin adını yazıb CV göndərərək müraciət edə bilərlər.
