Banker.az xəbər verir ki, Çinin nəhəng Industrial and Commercial Bank of China (ICBC) bankı ilk dəfə olaraq dünyanın ən bahalı bank brendi adını qazanıb. Çin bankı 2013-cü ildən etibarən Brand Finance Banking 500 reytinqinə liderlik edən Wells Fargo bankını liderlik pilləsindən endirib.
1 fevral 2017-ci il tarixində qeydə alınan məlumatlara görə, ICBC brendinin dəyəri bir il ərzində 42%, yəni 47,8 milyard dollara çatıb. Wells Fargo bankının dəyəri isə 6% azalaraq 41,6 milyard dollar təşkil edib.
Qeyd edək ki, Brand Finance ekspertləri 1 fevralda həm də dünyanın ən bahalı brendlərinin reytinqini də təqdim etmişdi. Reytinqin ilk pilləsində Google (109,5 milyard dollar), ikinci pillədə isə Apple (107,1 milyard dollar) şirkəti yer alıb.
