27 oktyabr 2024-cü il tarixindən etibarən dünyanın ən qədim hava yollarından biri olan Çexiyanın “Czech Airlines” şirkəti fəaliyyətini dayandırır. Verilən məlumata görə, onun reyslərini “Smartwings” aviaşirkəti həyata keçirəcək.
Sərnişinlər üçün heç nə dəyişməyəcək: biletlər “Czech Airlines” və “Smartwings”in saytlarında satılacaq. Bundan əlavə, bütün uçuş marşrutları olduğu kimi qalacaq.
Bununla belə, “Czech Airlines” 20 ildən artıq üzv olduğu “SkyTeam” beynəlxalq hava yolları alyansında üzvlüyünü dayandıracaq.
1923-cü ildə qurulan “Czech Airlines” dünyanın ən qədim hava yollarından biridir. 2013-cü ilə qədər şirkətin səhmlərinin 95%-dən çoxu dövlətə məxsus olub.
