®E-PUL ödəniş platforması və UniBank Visa debet virtual kartının istifadəyə verildiyini elan etdi.
Oktyabrın 25-dən etibarən hər bir E-PUL istifadəçisi virtual pul kisəsindən əlavə Digital Visa Rewards rəqəmsal debet kartını da sifariş edə biləcək.
Bu xidmət bir çox üstünlükləri ilə fərqlənir. Virtual kartdan istifadə edən hər bir şəxs xarici onlayn mağazalarda alış-veriş üçün ödəniş edə, ölkə daxilində və ölkə xaricində pul köçürmələrini həyata keçirə biləcək.
Rəqəmsal kartını (eCard) bir toxunuşla E-PUL tətbiqini yükləyib, qeydiyyatdan keçməklə əldə etmək olar. eCard aşağıda təsvir edilən ilkin funksiyalar ilə işə salınır:
- eCard kart balansının artırılması — Aşağıdakı xidmətlərdən istifadə edərək kartın balansını artırmaq mümkündür:
– EPUL proqramında TopUp (əlavə komissiya tutulmur);
– Terminal şəbəkəsi MilliÖn (Pasha Pay), Emanat, UniBank cash in (əlavə komissiya tutulmur);
– Card to Card (əlavə komissiya tutulmur).
- E-PUL proqramında göstərilən xidmətlərin ödənişləri – hər ödənişə görə X2 bonus xalı hesablamaqla ödəniş etmək imkanı;
- Qlobal saytlarda ödəniş – əlavə ödəniş etmədən mal və xidmətlərə görə ödəniş etmək imkanı;
- Kartdan karta köçürmələr (Card to Card / Card to Wallet) – istənilən yerli və xarici bankın kartına, həmçinin E-PUL pul kisəsinə vəsait köçürmək imkanı;
- Apple Pay / Google Pay – kredit kartı məlumatlarını üçüncü tərəfə açıqlamadan nağdsız ödənişlər etmək üçün təhlükəsiz və rahat üsuldur. (başlanğıc 2022-ci ilin sonuna qədər həyata keçiriləcək);
- 3% CashBack — EPUL şəbəkəsində, Supermarketlərdə, RESTORANLARDA və yanacaqdoldurma məntəqələrində rəqəmsal kartla ödəniş edərkən 3% CASHBACK əldə etmə imkanı! (loyal sistemin işə salınması 2022-ci ilin sonuna qədər həyata keçiriləcək);
- İdentifikasiya (KYC) – İdentifikasiyadan keçməyən istifadəçilər üçün maksimum balans 100 AZN, illik limit 1000 AZN təşkil edir. Maliyyə xidmətlərini aparmaq imkanı məhduddur. İdentifikasiya EPUL tətbiqində üz tanıma texnologiyalarına əsaslanan, istifadəçinin şəxsiyyətini real vaxtda yoxlamağa kömək edən rəqəmsal identifikasiya vasitəsilə tamamlana bilər və ya UniBank və ya LeoBank-ın müştərisi olanlar üçün identifikasiyadan keçmək tələb olunmur.
E-Pul.az-ın yaradıcısı olan “Paysis” MMC 2014-cü ilin avqust ayında təsis edilib. İnnovativ ödəniş platforması kommunal, mobil, sığorta, bank, internet, cərimə, YDM, mağazalar şəbəkəsi və digər ödənişləri, köçürmələr, eləcə də müxtəlif məhsulların alışını təmin edir.
E-Pul mobil tətbiqindən yararlanmaq üçün aşağıdakı linklərə daxil olun:
