52-Week High | Low nədir?

52-Week High | Low  dedikdə, son 52 həftədəki ən yüksək və ən aşağı qiymət başa düşülür. Treyder və investorlar üçün gələcək qiymət dəyişikliyini proqnozlaşdırmaq üçün vacib amillərdən biridir. 

52-Week High | Low termininin izahı

Səhmlər 52 həftəlik qiymət aralığında (52 minimum və 52 maksimum arasında dəyişir) alış-veriş edildiyi üçün qiymət ən yüksək və ya ən aşağı səviyyəyə yaxınlaşdıqca investorların marağı arta bilər. Birja treyderlərinin istifadə etdiyi məşhur strategiya belədir: qiymət 52 həftəlik maksimumu keçdikdə treyderlər səhmləri alırlar, 52 həftəlik minimumdan aşağı düşdükdə isə satırlar. Bu strategiyanın əsas mahiyyəti ondan ibarətdir ki, əgər qiymət 52 həftəlik həddi (yuxarı və ya aşağı) keçsə, qiymətin hərəkəti üçün əlverişli şərait yaranır. 

Bu strategiyanın başqa variantı da var: qiymət 52 həftəlik maksimuma çatdıqda səhmləri satmaq (burada qiymətin aşağı düşəcəyi güman edilir) və ya qiymət 52 həftəlik minimuma çatdıqda səhmləri almaq (qiymətin yuxarı qalxacağı güman edilir). Treyderlər və investorlar, bir qayda olaraq, əlavə texniki və/və ya fundamental təhlil aparırlar.