Avers (lat. “adversus” – üz tərəfinə çevrilmiş) – sikkənin üz tərəfinə deyilir. 

Sikkənin üz tərəfində nə təsvir olunmalıdır? Əslində, burada vahid bir qayda yoxdur. Müxtəlif ölkələrdə tələblər əhəmiyyətli dərəcədə dəyişə bilər. 

Çox vaxt sikkənin bu tərəfində dövlət başçısının portreti, gerb və ya  emitent ölkənin emblemi təsvir olunur. Bunlarda əlavə, ölkənin adı və emitent bank da qeyd oluna bilər. 

Yuxarıda sadalanan nişanlardan heç biri olmadıqda, sikkənin nominalının göstərildiyi tərəfin əks tərəfi “Avers” sayılır.