Altkoin nədir?

Bitkoindən sonra çıxan bütün kriptovalyutalara altkoin deyilir. Daha sadə desək, altkoinlər bitkoinin təkmilləşdirilmiş alternativi kimi çıxış edir. Bugünkü kriptovalyutaların 99.999% qədəri altkoin sayılır.

Bitkoinin uğurundan sonra həvəskarlar qəbuledilməz dəyişikliklərlə ideyanın öhdəsindən gəlməyə və daha populyar, əvəzolunmaz rəqəmsal valyuta yaratmağa çalışmağa başladılar. Bütün altkoinlər bir-birindən fərqlənir və onların sayı günbəgün artır.

Bunun əsas səbəbi qeyri-mərkəzləşdirmə və sonsuz sayda kriptovalyuta yaratmağa imkan verən blokçeyn texnologiyasıdır. Bitkoinin ilk rəqəmsal alternativi “Namecoin” (NMC), ən populyar olanı isə “Ethereum” (ETH) olub. Altkoinlər arasında həmçinin “Dogecoin”, “Litecoin”, “Ripple”, “Bitcoin Cash”, 2Cardano”, “XRP” və digərləri seçilir.

Nüanslar

Altkoin yaradıcıları vaxtaşırı böyük yeniləmələr olmamasına baxmayaraq, bitkoinin malik olduğu problemləri həll etməyə çalışırlar.

– Uzun tranzaksiyalar. Onların sürətləndirilməsi üçün alqoritmlərin təkmilləşdirilməsi.

– Anonimliyin olmaması. Göndərəni və alanı izləməyi çətinləşdirmək üçün əlavə şifrləmə üsullarından istifadə edilir.

– Bahalı mayninq (hesablama avadanlığından istifadə edərək kriptovalyutanın yaradılması prosesi).

– Qeyri-kafi funksionallıq. Altkoinlər “ağıllı” müqavilələr yaratmaq kimi əlavə funksionallıq təklif edir.

Qeyd edək ki, altkoinlərin çatışmazlıqları bitkoindəki çatışmazlıqlara bənzərdir:

– məzənnədə kəskin dalğalanmalar;

– bitkoindən güclü asılılıq, hökumətlərin qərarları, eləcə də məşhur simaların bəyanatları (məsələn, İlon Mask);

– aktivə inamın itirilməsi riskinin yüksək olması;

– müəyyən dövlətlərdə kriptovalyutalara qadağaların tətbiq edilməsi.

Altkoinlərin növləri

Altkoinləri xüsusiyyətlərinə görə üç qrupa bölmək olar:

Unikal altkoinlər. Bunlar bitkoində olmayan eksklüziv texnologiyalara malik altkoinlərdir. Məsələn, “ağıllı” müqavilələr funksiyası olan “Ethereum”.

Steyblkoinlər. Onlar maliyyə risklərini hedcinq etmək üçün nəzərdə tutulub. Steyblkoinlərin məzənnəsi onların buraxıldığı valyutaların (aktivlərin) məzənnəsi ilə müəyyən edilir. Ən populyar steyblkoin “Teather”dir.

Anonim altkoinlər. Bunlar rəqəmsal aktivlərini və şəxsi məlumatlarını gözdən salmaq istəyən istifadəçilərə yönəlmiş məxfi kriptovalyutalardır. Bu növ altkoinlər dünya ölkələri tərəfindən tənqid olunur, çünki terrorizmin maliyyələşdirilməsi, eləcə də çirkli pulların yuyulması üçün alət sayılır.

Təcrübə

Bitkoin mayninqi çətin olduğundan sənaye nümayəndələri getdikcə daha çox altkoinlərə üstünlük verirlər. Ucuz olmasına baxmayaraq, müəyyən bir müddət ərzində onlar vasitəsi miqdarda sikkələr çıxarmaq, yaxşı qazanc əldə etmək və investisiyaları artırmaq mümkün olacaq. Eyni zamanda, altkoinlər və bitkoinlər arasındakı məsafə getdikcə azalır.