Bank menecmenti – kredit təşkilatının idarəetmə sistemidir. Bank menecmentində əsas dörd komponenti ayırd etmək olar:

Birincisi, kredit təşkilatının gələcəyini nəzərdən keçirməyə, fəaliyyətin nəticələrini təmin etməyə imkan verən planlaşdırma. Bank planlaşdırılmasının nəticəsi ümumi fəaliyyət planının və ayrı-ayrı sahələri (kredit, investisiya, depozit, faiz, kadr siyasəti və s.) əhatə edən əməliyyat planlarının yaradılması olmalıdır.

İkincisi, bankın fəaliyyətini qiymətləndirməyə yönəlmiş təhlil. Əldə edilmiş nəticələrin bütövlükdə və müəyyən sahələrdə plan və proqnozlarla müqayisəsi.

Üçüncüsü, özündə bankın təşkilati strukturunun təkmilləşdirilməsi, yeni təlimatların hazırlanması və mövcud qaydaların hazırlanması, bankın və bütövlükdə kredit təşkilatının müəyyən sahələrində risklərin azaldılmasını birləşdirən tənzimləmə. Tənzimləmə çərçivəsində bank siyasətinin məqsədləri, prioritetləri və metodları tənzimlənir, kadr siyasətinin, kadr hazırlığı sisteminin və daxili bank nəzarətinin təşkili istiqamətində tədbirlər görülür.

Dördüncüsü, xarici tənzimləmə orqanlarının təlimatlarına uyğunluğunu yoxlamaq məqsədi ilə Mərkəzi Bank tərəfindən həyata keçirilən xarici və daxili nəzarət.

Bank idarəetmə sisteminin əsas istiqamətləri:

-kredit təşkilatının müəyyən fəaliyyət növlərinin konkretləşdirilməsi ilə bank siyasətinin inkişafı: əmanətlər, kreditlər, investisiyalar, xidmətlər və s.;

-bank məhsulları və xidmətlərinin marketinqi;

-bankın aktiv və passivlərinin idarə edilməsi;

-likvidliyin idarə edilməsi;

-mənfəətin idarə edilməsi;

-kapitalın idarə edilməsi;

-kredit portfelinin idarə edilməsi;

-bank risklərinin idarə edilməsi;

Bank menecmenti – çoxsahəli elmdir, kredit sistemin bütünlüklə əhatə edən vahid metodlara malik deyil. Hər bir bank menecment sistemini özü inkişaf etdirir, vaxtaşırı nəzərdən keçirir, rəqabətli bank xidmətləri bazarındakı şərtlərə uyğunlaşdırır və qanunvericilikdəki dəyişikliklərlə əlaqədar olaraq tənzimləyir.