CAC (ing. Customer Acquisition Cost – bir müştəriyə çəkilən xərc) – şirkətin hər yeni müştəriyə xərclədiyi məbləğdir.

Bu, müştəri cəlb etmək üçün lazım olan bütün marketinq səylərini əks etdirən göstəricidir. CAC əmsalını hesablamaq üçün müəyyən bir müddət ərzində marketinq, satış və reklam xərclərini toplamaq, sonra isə əldə etdiyiniz rəqəmi yeni müştərilərin sayına bölmək lazımdır.

İstifadə səhvləri

CAC tez-tez CPA (Cost Per Action – əməliyyatın dəyəri) ilə qarışdırılır. Bunlar bir-birindən kökündən fərqlənən anlayışlardır. CPA – müştərinin hərəkətinin dəyəridir (veb-saytda qeydiyyatdan keçmək, düyməni basmaq, onlayn sorğuda iştirak etmək və s.). Bununla yanaşı, bu həm yeni, həm də çoxdan cəlb olunan müştərinin hərəkəti ola bilər. CAC – alıcı, yəni alış-veriş etmiş müştərini cəlb etmək üçün çəkilən xərcdir.

Nüanslar

CAC özlüyündə göstərici deyil. Bu rəqəm biznesdən biznesə fərqlənir. CAC daha bir göstərici – LTV (Lifetime Value – “həyati dəyər”) ilə əlaqədar obyektiv mənzərə formalaşdırmağa imkan verir. Bu, müştərinin əməkdaşlıq dövrü (həyat dövrü) üçün şirkətə gətirdiyi qazancdır. Əgər söhbət birdəfəlik satışdan gedirsə, məhz bu satınalma həyat dövrü hesab ediləcək.