Comp&ben (ing. Compensation & Benefits — “təzminat və güzəştlər”) – təşkilatdakı kadr idarəçiliyi sahəsidir, hansıki işçilərin maddi və qeyri-maddi ödənişlərini, təzminat və güzəştlərini əhatə edir.

Comp & ben mütəxəssisləri kadrlar şöbəsinin bir hissəsidir və işçilərin əmək haqqı və təşviq sistemlərinin inkişafında iştirak edirlər. Belə mütəxəssislər azdır, onlar əmək bazarında yüksək qiymətləndirilir və adətən böyük şirkətlərdə və banklarda çalışırlar.

Comp & ben şöbəsinin səlahiyyət sahəsinə aşağıdakılar daxil ola bilər:

– əmək bazarının təhlili;

– əmək haqqının daimi hissəsinin idarə edilməsi (grading – əmək haqqının səviyyəsini təyin etmək üçün vəzifələrin əhəmiyyətinə görə qruplaşdırılması);

– əmək haqqının dəyişən hissəsinin idarə edilməsi (planın yerinə yetirilməsi üçün bonuslar, KPI və s.);

– qeyri-maddi bonuslar (sığorta, səyahət, yemək, arzu olunan iş qrafiki);

– təşkilati dizayn (funksiyaların vəzifələr arasında bölüşdürülməsi);

– təşkilatın işçiləri üçün büdcə tərtibatı;

– işçilərə qoyulan investisiyaların səmərəliliyinin hesablanması;

– kadr cədvəlinin yaradılması.

Nüanslar

Comp & ben mütəxəssisləri adətən kadrlar və ya maliyyə şöbəsinin, konsaltinq şirkətlərinin və ya qiymətlərlə məşğul olan firmaların işçiləridir. Bu, riyazi bilikləri, şirkətin aid olduğu sənayeyi və əməkhaqqının səviyyəsini yaxşı bilməyi tələb edən mürəkkəb bir peşədir.