Çarcbek (ing. chargeback) – bankın pərakəndə satış yerində (onlayn mağazada) həyata keçirilən kart əməliyyatına qarşı etirazıdır. Təşəbbüskar tərəf həm kart sahibi, həm də bankın özü ola bilər. Məsələn, əməliyyat mövcud olmayan kartla həyata keçirilibsə.

Prosedur aşağıdakı qaydada keçirilir:

Kart sahibi əməliyyatı etibarsız və ya saxta hesab etməsinin səbəbini göstərərək, emitent banka müvafiq ərizə təqdim edir. Əməliyyata dair mövcud olan bütün sənədlər (çeklər, veksellər, yazışmalar) ərizəyə əlavə edilir. Bundan sonra kredit təşkilatı araşdırma aparır və ərizəçi haqlı olduğu təqdirdə, ödəniş məbləğini ödəyiciyə geri qaytarır. Yəni, çarcbek satış nöqtəsinin hesabına baş verir.

Çarcbek üçün səbəblər:

– refand;

– eyni məbləğ iki dəfə çıxılıb;

– kartdan çıxılan vəsait alış-verişin məbləğindən çox olub;

– əməliyyatın həyata keçirilmə tarix və vaxtının səhv olması;

– kart və hesabdakı imzaların fərqli olması;

– vəsait çıxılsa da, alıcı əmtəə və ya xidmətini əldə edə bilməyib;

– müştəri əmtəə və ya xidməti alıb, lakin ödənişi fərqli cür həyata keçirib (nağd, digər kartdan və s.)

– satıcı malı geri götürməyə razılaşmır.