Evangelist – təbliğat mütəxəssisidir, brend və ya məhsulun müjdəçisidir. Bəzən digər insanlarla ünsiyyətdə brend və ya məhsulu müdafiə edən loyal alıcıları da evangelist adlandırırlar.

Marketinq evangelizmi – məhsulun dini vəsvəsəyə yaxın olan təşviq konsepsiyasıdır. İstifadəçilər brendə və ya texnologiyaya həqiqi sadiqliyə görə şirkətin məhsulunu tanıtmaqda iştirak edir və onu könüllü olaraq alır. Evangelistlər məhsulu ülvi bir şey kimi təqdim etməyi bacarırlar və onun faydalılığına şübhə etmirlər.

Marketinq evangelizmin yaradıcısı “Apple” şirkətinin ilk işçilərindən biri Qay Kavasakidir. Onun sözlərinə görə, evangelizm – “insanları bir şeyə sizin inandığınız qədər inanmağa məcbur etməkdir”.

Nüanslar

Rusiyada “evangelizm” və “evangelist” sözləri dini kontekst daşıyır. Qərb ölkələrində bu o qədər də hiss olunmur. “Apple” və “Microsoft”a gəldikdə, onlar satış strukturunda işləyirdilər və vaxtı ikən tərtibatçılar sırasında olublar. Bu mütəxəssislər yeni texnologiyaları təbliğ edirdilər.

Marketinq evangelizmi konsepsiyasının yaradıcısı Qay Kavasaki zarafat edir ki, evangelizmi “ilk dəfə İsa icad edib”. Onun sözlərinə görə, evangelizm təkcə nəhəng korporasiyalar deyil, həm də kiçik şirkətlər üçün də uyğundur.

Məhsul nə qədər keyfiyyətlidirsə, onu təbliğ etmək də bir o qədər asan olur. Kavasaki vurğulayır: “Başa düşdüm ki, müjdəçiliyin başlanğıc nöqtəsi əla məhsuldur. Bu, uğurun 90%-dir. Beləliklə, bir müjdəçi kimi ilk problemimiz gözəl bir şey tapmaq və ya yaratmaqdır”.