Pul sistemi-ölkədə tarixən yaranmış və qanunvericiliklə təsdiqlənmiş pul dövriyyəsinin təşkili formasıdır. Özündə aşağıdakı elementləri birləşdirir: a) rəsmi pul vahidini; b) nağd pulların emissiya qaydasını; c) pul dövriyyəsinin təşkilini və tənzimlənməsini. Azərbaycan Respublikasında rəsmi pul (valyuta) vahidi manatdır. Azərbaycan Respublikasının ərazisində digər pul vahidlərinin tətbiqi və pul surroqatlarının buraxılışı qadağandır.