Ermənistan ordusu Qarabağda hərbi əməliyyatların başladığı ilk gündən etibarən elektrik şəbəkələrinin infrastrukturu da daxil olmaqla, Azərbaycanda dinc yaşayış yerlərinin mülki infrastrukturuna zərbələr endirməyə başlayıb.
“Azərişıq” ASC-nin mətbuat xidmətindən “Banker.az”a bildirilib ki, düşmənin yaşayış məntəqələrini atəşə tutması nəticəsində 330-a qədər yüksək gərginlikli ötürücü xətt, o cümlədən 270-dən çox transformator və 1200 yüksək gərginlikli dirək məhv edilmişdir.
Cəbhə xəttində gecə-gündüz çalışan ASC-nin əməkdaşları qəzanın nəticələrini sürətlə aradan qaldırırlar. Mütəmadi olaraq atəşə məruz qalan xüsusilə təhlükəli ərazilərdə işləyən işçilərə bədən zirehləri və dəbilqələri verilib.
