“EuroHome” tikinti materialları bazarında baş verən yanğın tam məhdudlaşdırılıb. 1 təyyarə və 3 helikopter vasitəsilə 50 tona yaxın su yanğın olan əraziyə tökülüb”.
Banker.az xəbər verir ki, bunu jurnalistlərə açıqlamasında Fövqəladə Hallar nazirinin müavini Etibar Mirzəyev deyib.
O bildirib ki, 2 saat yarıma qədər davam edən yanğının söndürülməsində öncə su problemi olub:
“Mənə verilən məlumata görə, yanğın yerinə FHN-in 40-dan artıq texnikası, 250-dən çox canlı qüvvəsi səfərbər olunub. İlkin məlumata görə, yanğının ərazisi 21 min kvadrat metrdir. Yanğın səbəbləri hazırda araşdırılır. Daha ətraflı məlumatlar veriləcək”.
