ABŞ-ın Nevada ştatında yaşayan bir qadın $594 min 481 ödəyərək ev almaq istəyərkən “səhvən” məhəlləni alıb. Banker.az Böyük Britaniyanın “Daily Mail” qəzetinə istinadən xəbər verir ki, sənədləşmə zamanı buraxılan səhvə görə qadın 84 ev və 2 torpaq sahəsinə sahib olub.
“The Reno Gazette Journal” adı açıqlanmayan qadınla əlaqə saxlayıb. O, Reno şəhərinin şimal-şərqində bir ev almaq istədiyini bildirib və “şərh yoxdur” (no comment) cavabını verib.
Səlahiyyətli şəxslər sənədlərdə böyük bir səhv olduğunu tez anlayıblar, lakin qadının təsadüfən sahib olduğu 84 ev və 2 torpaq sahəsindən imtina edib-etməyəcəyi məlum deyil.
Ekspert Cori Burke bunun Las-Veqasda yerləşən “Westminster Title” şirkətinin hərf səhvinə görə ola biləcəyini deyib: “Belə görünür ki, “Westminster Title” Las-Veqasdakı başqa bir transferin qanuni bəyanatı kopyalayıb yapışdırıb. Bu vəziyyəti maraqlı hala gətirən isə qeyd olunan rəqəmlərin yüksək olmasıdır”.
Qeyd: Foto Associated Press-ə məxsusdur.
