Facebookda Firefox və Chrome brauzerləri adı altında yeni təhlükəli proqram – Trojan: JS / Febipos virusu yayılıb. Bu virus kompyuterə düşdüyü andan Facebooka daxil olmağa nəzarət edir və istifadəçinin xəbəri olmadan brauzerə əmrlər göndərməyə imkan verən konfiqurasiya fayllarını yükləyir.
Facebooka daxil olduqda bu virus istifadəçinin adından paylaşımlar edir, qruplara qoşula bilir və hətta çatda hesab sahibinin dostları ilə ünsiyyət qurur.
Bu virusdan qorunmaq üçün mütəxəssislər davamlı olaraq sosial şəbəkələrdə aktivliyə nəzarət etməyi, şifrənizi dəyişməyi, kompyuterin antivirusla yoxlanmasını və brauzerin mənşəyinin araşdırılmasını məsləhət görürlər.
