Banker.az monitorinq qrupunun yeni ildə ilk araşdırma mövzusu əmanət məhsulları haqqındadır. Bildiyimiz kimi, Banklar əmanətçilərə əmanət üzrə hesablanmış faizləri müqavilə ilə razılaşdırılmış formada ödəyirlər. Faizlərin ödənilməsi üsulları arasında ən geniş yayılanları faizlərin “aylıq” və ya “əmanət müddətinin sonunda” alınmasıdır.

Bəzi banklarda ödəniş üsulu olaraq rüblük, yarımillik və illik variantlar da təklif edilsə də, əmanətçilər tərəfindən ən çox tərcih edilən üsullar məhz  qeyd edilənlərdir (aylıq və ya müddətin sonu).

Son dövrlərdə ölkənin Bank sektorunda məhsul baxımından müsbət tendensiyaların olması əmanət məhsullarına da öz təsirini göstərib. Belə ki, öz kredit və qeyri-kredit məhsullarını müştərilər üçün cazib şəkildə dizayn edən Banklar bu proses zamanı müştəri istəkləri ilə yanaşı beynəlxalq təcrübələrdən də faydalanır.  “Faizlər öncədən ödənilən” əmanət məhsulunu bu qrup məhsullardan hesab edə bilərik. Bu məhsulda sırf müştəri istəkləri nəzərə alınıb.

Bu əmanət məhsulunun əsas üstünlüyü ondan ibarətdir ki, müştəri əmanət üzrə hesablanacaq faizləri almaq üçün ay və ya müddət sonunu gözləmir. Faizləri əmanət yerləşdirən gün alan müştəri həmin vəsaiti şəxsi ehtiyacları üçün istifadə edə və ya yenidən əmanət şəklində yerləşdirə bilər. Bu növ əmanətlər haqda digər önəmli məqamları diqqətinizə çatdırmaq istərdik.

• Əmanət müddəti ərzində vəsaitin artırılmasına yol verilmir;
• Əmanət müqaviləsi müştəri tərəfindən pozularsa ödənilmiş faizlər geri alınır və ya cərimə tətbiq edilir.
• Əmanət üzrə cəlbetmə faizləri, aylıq və ya müddətin sonu ödənilən əmanətlərə nisbətən aşağıdır.

İndi isə bu əmanət məhsulunu təklif edən Banklar və şərtlər haqqında məlumatı Sizlərə təqdim etmək istərdik:

 

Bank	Əmanətin adı	Valyuta	Minimal məbləğ	Əmanətin müddəti	İllik faiz dərəcəsi
Amrahbank	Avans əmanəti	AZN / USD / EUR	1000 AZN / USD / EUR	12 ay	AZN – 11% USD – 3.0% EUR – 1.2%
Azər Türk Bank	Avans əmanəti	AZN	1000 AZN	12 ay	AZN – 6%
Expressbank	Əlavə fürsət əmanəti	AZN	500 AZN	12 ay	AZN – 9%
Muğanbank	Avans əmanəti	AZN / USD	1000 AZN / USD	12 ay	AZN – 12% USD – 3.0%
NBC Bank	Universal depozit	AZN / USD  / EUR	200 AZN / USD / EUR	12 ay / 24 ay / 36 ay	12 aylıq əmanətlər AZN – 11%, USD/EUR – 2.75% 24 aylıq əmanətlər AZN – 10.5%, USD/EUR – 2.50% 36 aylıq əmanətlər AZN – 10 %, USD/EUR – 2.25%
Unibank	Faizlər əvvəlcədən	AZN	500 AZN	12 ay	AZN – 9%
Turanbank	Fürsət əmanəti	AZN / USD / EUR	100 AZN / USD / EUR	12 ay / 18 ay / 24 ay / 36 ay	12 aylıq əmanətlər AZN – 10,5 % USD – 2%, EUR – 0.5% 18 aylıq əmanətlər AZN – 10%, USD – 1.5%, EUR – 0.4% 24 aylıq əmanətlər AZN – 9.5%, USD – 1.0%, EUR – 0.3% 36 aylıq əmanətlər AZN – 9 %, USD – 0.5%, EUR – 0.2%