İngiltərənin “Financial Times” qəzeti ABŞ-nin yeni seçilmiş prezidenti Donald Trampı “İlin adamı” elan edib. Qəzet cənab Trampın yenidən prezident seçilməsini “ABŞ tarixindəki ən dramatik dönüş” adlandırıb.
“FT” daha əvvəl cənab Trampı 2016-cı il prezident seçkilərində Hillari Klintonu səsvermədə üstələyərək qalib gəldiyi zaman ilin adamı seçmişdi.
Qəzet yazır ki, Çin, Rusiya, İran və Şimali Koreya üçün Donald Trampın prezidentliyi “bir nəslin şansı ola bilər”. “Tramp dünyanı ABŞ-nin müttəfiqləri ilə dolu olduğu cəngəllik kimi görür. NATO-nun gələcəyi bir tük üzərindədir”, – mesajda deyilir.
Dekabrın 12-də “Time” jurnalı Donald Trampı “ilin adamı” seçib. Nəşrin yazdığına görə, cənab Tramp 2024-cü ildə “gənc kişi seçiciləri aktivləşdirməklə Amerika elektoratını dəyişib” və “bir çox cəhətdən tarixi qələbə” əldə edib. “Time” həmçinin 2016-cı ildə də cənab Trampı “ilin adamı” seçib.
