Fındıq bağlarında məhsuldarlıq ötən illərlə müqayisədə bu il artıb.
Banker.az xəbər verir ki, bu barədə fındıq istehsalı ilə məşğul olan təsərüffatçılar məlumat verib. Bildirilib ki, məhsulun bol, qiymətin isə sərfəli olması bağ sahiblərinin daha çox gəlir əldə edəcəyini deməyə əsas verir.
Hazırda yığılan fındığın bir kiloqramı təsərrüfatçılardan 3-3.5 manata alınır.
Qeyd edək ki, Xaçmaz rayonundakı fındıq bağlarının ümumi sahəsi 9 min 703 hektar təşkil edir. Bu bağların 4 min 764 hektarı barverəndir. Ötən il Xaçmazın fındıq bağlarından 6 min 500 ton məhsul yığılıb.
