Finlandiya prezidenti Sauli Niinistö və respublika hökuməti yanında xarici siyasət və təhlükəsizlik siyasəti üzrə nazirlər komitəsi Rusiya vətəndaşlarının ölkəyə girişinə mövcud məhdudiyyətləri saxlamaq və lazım gələrsə, onları sərtləşdirmək barədə razılığa gəliblər.
Bu barədə çərşənbə günü Finlandiya Nazirlər Kabinetinin mətbuat xidməti məlumat yayıb.
Helsinkidə qeyd olunduğu kimi, müzakirə mövzusu Rusiya vətəndaşlarının Finlandiya ərazisi vasitəsilə Finlandiya və Şengen zonasının digər dövlətlərinə səfərləri olub. Prezident və nazirlər komitəsi belə bir səyahətin “hələ də Finlandiyanın beynəlxalq münasibətlərinə zərər verə biləcəyi” qərarını verib. Bunu nəzərə alaraq, respublikanın hakimiyyət orqanları bunun üçün üzrlü səbəbləri olmayan Rusiya vətəndaşlarının ölkəyə girişinə mövcud məhdudiyyətlərin saxlanmasına razılıq verib və “pozulmaların qarşısını almaq üçün onları sərtləşdirməyin” zəruriliyini vurğulayıb.
Finlandiya 2022-ci ilin sentyabrında rusiyalı turistlərin ölkəyə girişinə məhdudiyyətlər tətbiq edib. Real ehtiyac olmadan səyahət qadağası digər Avropa ölkələrinə tranzit səyahətlərə də aiddir.
