8 C
Baku
Thursday, March 28, 2024

“Fitch” Beynəlxalq Reytinq Agentliyi “PASHA Yatırım Bankası” A.Ş-nin reytinqini yenidən nəzərdən keçirib

Beynəlxalq Kredit Reytinq Agentliyi olan “Fitch” Türkiyə-Azərbaycan-Gürcüstan üçbucağında korporativ və investisiya bankçılığı xidmətləri təklif edən PASHA Yatırım Bankası A.Ş”-nin uzunmüddətli milli kredit reytinqini “BBB+” səviyyəsindən “A-” səviyyəsinə qaldırmış, Bankın proqnozlarını “sabit” proqnozlar kimi müəyyən etmişdir.

Türkiyə-Azərbaycan-Gürcüstan üçbucağında ticarətin inkişafına töhfə vermək və bölgəyə investisiya yatıran müəssisələrə maliyyə və məşvərətçi dəstəyi təmin etmək məqsədilə investisiya və korporativ bank məhsulları və xidmətləri təklif edən PASHA Yatırım Bankası A.Ş” 2015-ci ildən 2020-ci ilədək olan dövrdə davamlı artıma nail olmuşdur.

Bu dayanıqlı inkişafın təzahürü isə “Fitch” Beynəlxalq Kredit Reytinq Agentliyi tərəfindən PASHA Yatırım Bankası A.Ş”-nin uzunmüddətli milli kredit reytinqinin “BBB +” səviyyəsindən “A-“ səviyyəsinə qaldırılması olmuşdur. Bu artımın səbəbinin PASHA Yatırım Bankası A.Ş”-nin səhmdarları üçün strateji əhəmiyyəti və PASHA Bankının Türkiyədə eyni brendlə fəaliyyət göstərməsi sayəsində səhmdarların etibarlı maliyyə dəstəyinin davam edəcəyinə dair gözləntilərin olduğu bildirilmişdir. Agentliyin açıqlamasında Bankın son illərdəki balans artımının sektor üzrə orta göstəricidən yüksək, problemli kreditlərinin payının isə aşağı olması (2020-ci ilin iyun ayında 2,6%) və kapitalın yetərlilik əmsalının (2020-ci ilin iyun ayında % 25) gözlənilməz itkilərin təsirinin yumşaldılması üçün kifayət etdiyi qeyd olunmuşdur.

“BİZ BÖLGƏDƏ PAŞA Bank BRENDİNİN tanınmasına görə BİRİNCİ BANK OLMAĞI QARŞIMIZA MƏQSƏD QOYMUŞDUQ.”

PASHA Yatırım Bankası A.Ş”-nin İdarə Heyətinin üzvü və Baş Direktoru H. Cenk Eynehan çətin iqtisadi şəraitin hökm sürdüyü dövrdə Bankın reytinqinin “BBB +” səviyyəsindən “A-”səviyyəsinə yüksəldilməsindən məmnun olduğunu bəyan etmişdir: “Bugünkü reytinq artımı PASHA Yatırım Bankası A.Ş”-nin dayanıqlı artım strategiyasının və səmərəli risk və balansın effektiv idarə edilməsinin nəticəsidir. Səhmdarlarımız olan ‘PAŞA Bank” ASC və “PAŞA Holdinq” MMC kapital artımına dəstək, o cümlədən uzunmüddətli maliyyə dəstəyi təmin etmələri və təsis olunduğumuz ilk güdən bəri bəri bizə olan inamları ilə daima bizi ruhlandırmışdırlar..”

H.Cenk Eynehan, həmçinin bildirmişdir ki, “Bölgədə PAŞA Bank brendinin tanınmasına görə birinci bank olmaq məqsədilə yola çıxdığımız 2015-ci ildən indiyədək məhsullarımızı və ödəmə şərtlərimizi şaxələndirməyə çalışmışıq. Müştərilərimizə əsasən layihələrin maliyyələşdirilməsi sahəsində korporativ və investisiya bankçılığı, əks lizinq və aktivlərə əsaslanan qiymətli kağızların buraxılmasına diqqət yetirməklə xidmət göstəririk. Bankımızın “PASHA Group” a daxil olan digər maliyyə şirkətləri ilə sıx əməkdaşlıq etməyimiz də xarici ticarətdə və Türkiyə-Azərbaycan-Gürcüstan arasındakı investisiyalarda pay sahibi olmağımıza kömək edir.”

Hazırkı dövrədək ölkə daxilində Türk Lirəsi ilə istiqrazlar və faizsiz bondlarla (Sukuk) yanaşı, ABŞ Dolları və Avro ilə istiqrazlar buraxmaqla resurs strukturunu şaxələndirmiş PASHA Yatırım Bankası A.Ş” iki xüsusi riskli investisiyalar fonduna sərmayə yatıraraq və kapital bazarlarını formalaşdırmaq üçün vəsait əldə etmək məqsədilə aktivlərə əsaslanan qiymətli kağızlar buraxaraq kənd təsərrüfatı müəssisələrinə kömək etməklə investisiya bankçılığı fəaliyyətini də genişləndirmişdir. PASHA Yatırım Bankası A.Ş” gələcəkdə də kapital bazarında səmərəli rol oynamağa davam edəcəkdir.

Son xəbərlər
Digər xəbərlər