“Goldman Sachs” 2025-ci ilin sonu üçün qızılın bir unsiya üzrə qiymət proqnozunu $3 300-dan $3 700-a qaldırıb və qiymət aralığını $3 650–$3 950 olaraq göstərib.
Banker.az xəbər verir ki, Bank bu dəyişikliyi mərkəzi banklardan gözləniləndən daha güclü tələbat və tənəzzül riskləri səbəbindən artan birja fondu axınları ilə izah edib.
“Əgər resessiya baş verərsə, ETF axınları daha da sürətlənə və qızılın qiymətini ilin sonuna qədər bir troya unsiyası üçün $3 880-a qədər yüksəldə bilər,” – ötən həftənin son iş günü bildirib.
“Bununla belə, əgər iqtisadi artım siyasət qeyri-müəyyənliyinin azalması fonunda gözləntiləri üstələyərsə, ETF axınları ehtimal ki, bizim faiz dərəcələrinə əsaslanan proqnozlarımıza geri dönər və ilin sonuna qiymət $3 550/unsiya ətrafında olar.”
Ağ Ev, ABŞ-ın “qarşılıqlı” tariflərindən smartfonlar və kompüterləri azad etsə də, Prezident Donald Tramp tariflərin bir nöqtədə yenə tətbiq oluna biləcəyini xəbərdar edib.
Bazar ertəsi günü spot qızılın qiyməti bir unsiya üçün $3 245.42 ilə yeni rekord səviyyəyə yüksəlib, lakin bazar davam edən tarif xəbərlərini həzm etdiyi üçün istiqamət baxımından qeyri-müəyyən qalıb. Azərbaycan Mərkəzi Bankının 14 aprel 2025-ci il tarixinə qızılın spot qiymətini (XAU) 5 486.529 manat kimi təqdim edib.
Bank eyni zamanda mərkəzi bankların tələbatına dair aylıq proqnozunu 70 tondan 80 metrik tona yüksəldib.
