“Goldman Sachs” ın 2019-cu il üçün xalis mənfəəti 19% azalıb

“Goldman Sachs Group Inc” ın 2019-cu il üçün xalis mənfəəti 19% azalaraq 8,466 milyard dollar təşkil edib.

Banker.az xarici KİV-ə istinadən xəbər verir ki, bankın bir səhm üçün xalis mənfəəti bir il əvvəlki qiymət ilə müqayisədə (25,27 dollar) 21,03 dollaradək azalıb. Hesabat dövrü ərzində bankın gəliri 0,2% azalaraq 36,546 milyard, əməliyyat xərcləri isə 6% artaraq 24,898 milyard səviyyəsinə çatıb.

Maliyyə təşkilatının dördüncü rübdəki xalis mənfəəti bir il əvvəlki qiymət ilə müqayisədə (2,538 dollar) 1,917 dollaradək azalıb. Rübün nəticələrinə görə, səhm sahiblərinin xalis gəliri 2018-ci ildəki 2,322 milyard dollar ilə müqayisədə 1,724 milyard dollar təşkil etmişdir.

Xatırladaq ki, ABŞ-ın ən böyük maliyyə təşkilatlarından biri olan “Goldman Sachs”, 1869-cu ildə Nyu-Yorkda təsis edilib. Bankın əsas fəaliyyət istiqamətlərinə investisiya, birja ticarəti, habelə səhm və qiymətli kağızların idarə edilməsi daxildir.


Kredit müraciəti

Sizin müraciətiniz banka göndərildi.

24 saat işləyən filiallar 24 saat işləyən exchangelər Şənbə günü işləyən bank filialları