“Google” şirkəti faylları bir cihazdan digərinə “havadan” ötürəcək Nearby Share funksiyanı işə salır. Bildirildiyi kimi, bu funksiya “Apple”in AirDrop texnologiyasının analoqudur.
Banker.az bu barədə “Vesti.ru”ya istinadən xəbər verir.
“Hazırda Nearby Share texnologiyasını test edirik. Bizim əsas məqsədimiz bu funksiyanın Android 6 və daha yeni əməliyyat sistemləri üçün əlçatan olmasını təşkil etməkdir”.
Qeyd edək ki, Nearby Share texnologiyası istifadəçilərə foto, video, link və hətta tvitləri sürətli şəkildə bir cihazdan digərinə ötürmək imkanını verəcək.
Ona oxşar funksiya üzərində “Samsung” şirkəti işləyir – Quick Share. AirDrop-dan fərqli olaraq, bu yenilik faylları eyni anda beş nəfərə göndərməyə imkan verəcək.
