2020-ci ildə Gürcüstan iqtisadiyyatına 616,9 milyon ABŞ dolları birbaşa xarici investisiya qoyulub.
Bu barədə ölkənin Milli Statistika İdarəsinin ilkin hesabatında bildirilir.
Sənədə əsasən, illik müqayisədə sərmayələrin məbləğində 52,9 % azalma qeydə alınıb.
Ötən il Gürcüstanın ilk üç əsas investoru Böyük Britaniya (307,8 milyon dollar), Niderland (172,1 milyon dollar) və Türkiyə (108,1 milyon dollar) olub.
Hesabat ilində sərmayələrin böyük hissəsi maliyyə, dağ-mədən sənayesi, daşınmaz əmlak, istehsal və tikinti sahələrinə yatırılıb.
