“SMS Məlumatlandırma” xidməti və Bankların bu xidmətə görə tətbiq etdiyi tariflər.

“SMS Məlumatlandırma” (sms notification) bankların plastik kart müştəriləri üçün tətbiq etdiyi bir xidmətdir. Bu xidmət həm kredit və taksit, həm də debet tipli kartlarda təklif edilir. Xidmətin özəlliyi ondan ibarətdir ki,  kart hesabında baş verən hər bir əməliyyat üzrə məlumat dərhal “sms” şəklində kart sahibinin mobil nömrəsinə göndərilir. ”SMS” mətndə keçirilən əməliyyatın məbləği, ticarət məntəqəsini identifikasiya edən məlumatlar, əməliyyatın tarixi və saatı həmçinin kartınızın balansını əks etdirən məlumatlar qeyd edilir. Bu xidmət həm təhlükəsizlik tədbirləri baxımından , həm də informativ olmaqla plastik kart istifadəçiləri tərəfindən bir çox hallarda tərcih edilir.

Müştəri loyallığının təmin edilməsi baxımından bəzi banklarda bu xidmət ödənişsiz təklif edilir. Bəzilərində yalnız kredit kartlarda ödənişsiz debet kartlarda isə ödənişli təklif edilən bu xidmət, bir neçə bankda kartın növündən asılı olmayaraq illik və ya aylıq əsasda xidmət haqqı ödənişi əsasında təqdim olunur.

Banker.az monitorinq qrupu olaraq Bankların “SMS Məlumatlandırma” (sms notification) xidmətinə tətbiq etdiyi tariflərin oxucularımız üçün maraqlı olacağını düşündük və bu mövzu ətrafında araşdırma apardıq. Aşağıdakı cədvəldə araşdırmanın nəticələri ilə tanış ola bilərsiniz.