Azərbaycanda fəaliyyət göstərən yeddi yaşlı şirkət “Star Holdinq” MMC İqtisadiyyat Nazirliyi yanında Dövlət Vergi Xidmətinin 2 saylı Ərazi Vergilər Baş İdarəsinə qarşı “vergi borcunun silinməsi vəzifəsinin cavabdehin üzərinə qoyulması” tələbi barədə məhkəməyə müraciət edib.
Bu barədə Banker.az-ın əldə etdiyi məlumatda deyilir.
Şirkətin Sumqayıt Kommersiya Məhkəməsina olan müraciətində, “Star Holdinq”-ə qanunsuz olaraq 2019-cu il üçün əlavə hesablanmış mənfəət vergisi üzrə 2 525 manat borcun vergi şəxsi vərəqəsindən silinməsi vəzifəsinin Dövlət Vergi Xidmətinin 2 saylı Ərazi Vergilər Baş İdarəsinin üzərinə qoyulması barədə qətnamə qəbul edilməsini xahiş edilib.
Kommersiya məhkəməsi şirkətin iddiasını təmin etməyib, onun səlahiyyətinfə olmadğını şərh verib. Şirkətin iddiasının təmin edib-edilməməsi təkrar müvafiq inzibati məhkəməyə müraciətdən sonra bilinəcək.
Lakin, Dövlət Vergi Xidmətin informasiya sistemindən alınan məlumatda isə adıçəkilən şirkətin cəmi 84 manatlıq borcun olduğu göstərilir.
“Star Holdinq” MMC – Sumqayıtda 2013-cü ildən fəaliyət göstərək, cəmi 10 manat nizamnamə kapitalına sahibdir. Şirkətə təmsilçiliyi yarandığı gündən Fəxrəddin Məmmədov Abuzər oğlu edir.
Ötən ilin avqustunda F.Məmmədovun adına Sumqayıt şəhəri, Corat qəsəbəsi, ev 187 A ünvanında qeydiyyatda olan və qanuni təmsilçiləri eyni şəxs olan 11 şirkət ləğv olunmuşdu
Qeyd edək ki, 2016-cı ildə vergi borcuna görə ölkədən getmə hüququ məhdudlaşdırılan hüquqi şəxslərin rəhbərləri arasında Məmmədov Fəxrəddin Abuzər oğlunun da adı yer alıb. Bu şəxsə məxsus olan 5 şirkətin vergi borcunun olduğu bildirilib.
Təxminən iki il ərzində eyni ünvanda, eyni şəxsin rəhbər olduğu onlarla şirkətin təsis olunması birmənalı qarşılanmamaqdadır. 2016-cı ildə mətbuatda yer alan xəbərlərdə qeyd olunurdu ki, bu şəxsin qanuni təmsilçi olduğu şirkətlər Sumqayıt şəhər İcra Hakimiyyətinin keçirdiyi tenderlərin qalibi olub.
