Hollandiya Əfqanıstandakı səfirliyini ərəb dövlətlərindən biri olan Qətərin Doha şəhərinə köçürməyə qərar verib.
Banker.az “RİA Novosti”yə istinadən xəbər verir ki, bu barədə Avropa ölkəsinin xarici işlər naziri Siqrid Kaaq məlumat verib.
“Hollandiya xarici vətəndaşların Əfqanıstandan çıxarılmasına kömək edən Qətərin səylərini yüksək qiymətləndirir. Hal-hazırda Hollandiya səfirliyinin Əfqanıstandan Dohaya köçürülməsi ilə bağlı tələbimizə Qətərin razılığını gözləyirik”, – deyə mesajda bildirilir.
Xatırladaq ki, daha əvvəl ABŞ və Yaponiya səfirlikləri də Əfqanıstanın “Taliban” tərəfindən işğal edilməsi donunda Kabildən Dohaya köçürülüb.
