IBM şirkəti Sakit Okeanı və Cənub-şərqi Asiya ölkələrinin bankları üçün Stellar Lumens kriptovalyutası bazasında ani ödənişlər xidmətini işə salıb.
Banker.az Fortune nəşrinə istinadən xəbər verir ki, hazırda bu regionda bir neçə vasitəçi ilə müxtəlif valyutalarla həyata keçirilən tranzaksiyaların emalı prosesi bir neçə gündən bir neçə həftəyə qədər vaxt tələb edə bilər. Blockchain texnologiyasından istifadə ödənişlərin mübadiləsi prosesini demək olar ki, ani şəkildə həyata keçirir. Layihədə Avstraliya və Yeni Zelladiya bankları ilə yanaşı, Samoa, Tonqa və Fici kimi kiçik ölkələrin maliyyə təşkilatları da iştirak edir.
IBM şirkətinin proqnozlarına əsasən, yeni sistem 2018-ci ilin əvvəlinə qədər region daxilində beynəlxalq tranzaksiyaların 60%-nə qədərini idarə edəcək.
