Efiopiyada baş verən qəzadan sonra Birləşmiş Ştatların “Boeing 737 Max 8” şirkətinin bazar dəyəri 26,6 milyard dollar aşağı düşüb. Bu barədə “RİA Novosti” ABŞ Fond Birjasına istinadən bildirir.
Ötən gün Nyu-York birjasında aviaşirkətin səhmləri 6,15% azalaraq 375,41 dollar olub.
Xatırladaq ki, martın 11-i Efiopiyada “Ethiopian Airlines” aviaşirkətinə məxsus “Boeing 737” tipli sərnişin təyyarəsi qəzaya uğrayıb. Hadisə zamanı təyyarənin göyərtəsində 149 sərnişin və 8 heyət üzvü də daxil olmaqla, 157 nəfər olub.
Sərnişinlər arasında BMT-nin 19 əməkdaşı, habelə 35 müxtəlif ölkənin vətəndaşları olub. Qəza zamanı sərnişin və heyət üzvlərindən heç kim sağ qalmayıb. Qəzanın səbəbləri hələ məlum deyil.
