“Twitter”in yeni sahibi İlon Mask bazar günü bildirib ki, “Twitter”in loqosu dəyişəcək və hamının tanıdığı quş “X” ilə əvəzlənəcək. “Tezliklə biz “Twitter” brendi və bütün quşlarla vidalaşacağıq”, – deyə milyarder yazıb.
Mask həmçinin “Twitter”də istifadəçi sorğusunu aparıb və izləyicilərindən platformanın rəngini dəyişdirilməsi ilə bağlı fikir alıb.
Milyarder 2022-ci ilin oktyabr ayının sonunda sosial şəbəkəni 44 milyard dollara əldə etdikdən sonra “Twitter”də əsaslı dəyişikliklər edib. Maskın yenilikləri reklamçıların xaricə axınına səbəb olub. Bu ay, o, reklam gəlirinin 50% azalması və platformanın hələ də heç bir gəlir gətirmədiyini açıqlayıb. Bundan əvvəl Mask dəfələrlə “Twitter”in müflis elan oluna biləcəyi barədə xəbərdarlıq edib.
