12 C
Baku
Thursday, March 28, 2024

“InvestAZ”-dan dünya maliyyə bazarları ilə bağlı həftəlik analiz

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR. 

Avrozona iqtisadiyyatına dair nikbinliyin azalması, EURUSD məzənnəsində 1.22$-ın altında müqavimətlə rastlaşmasına və yenidən ucuzlaşa biləcəyi ehtimallarının artmasına səbəb olub. Bununla yanaşı, Amerikada hökümətin 1.9 trilyon dollarlıq korona yardım paketinin həftə ərzində qəbul edilməsi də, özünü dolların qiymətlərinə dəstək olması ilə göstərə bilər. 

GBP. 

Breksit və koronavirus pandemiyası fonunda İngiltərə iqtisadiyyatı böyük sınaq qarşısındadır. AB ilə münasibətlər konteksində Şimali İrlandiya mövzusu da riskləri artırır. Neft qiymətlərinin bahalaşması ilə dəstək görən funt sterlinqin qiymətləri, xüsusilə də GBPUSD məzənnəsinin son bir il yarımın maksimum səviyyəsini yeniləməsinə baxmayaraq, dinamika zəifləməkdədir və bu, yenidən ucuzlaşa biləcəyi ehtimallarını da artırır. 

TRY. 

Lirənin bahalaşma dalğasında zəifləmə müşahidə edilsə də, 6.96 və 6.88TL-yə kimi davam edəcəyi proqnozları gündəmdə qalmaqdadır. 

Cümə axşamı Bakı vaxtı ilə saat 15:00-da dərc ediləcək TCMB-nin faiz qərarı da investorların diqqət mərkəzindədir. 

OIL. 

Enerji birjalarında Avropanın Brent neftinin bir barel qiyməti dəyər qazanmaqda davam edir və trendin 66$-a kimi davam edəcəyi ehtimal edilir. 

Cümə axşamı saat 20:00-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir. 

GOLD. 

Dünyada yumşaq fiskal siyasətlərin genişlənməsi və Amerikadan G7 ölkələrinə olan buna dair çağırışlara qarşı müqavimətin güclü olması, əlvan metallar bazarlarında qızılın ucuzlaşmasına səbəb olur. 1830$-ın (58.8 $/qram) altında qalan bir unsiya üzrə qiymət, 1817$-ın (58.4 $/qram) qırılması ilə 1800$-a (57.9 $/qram) kimi də dəyər itirə bilər. 

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin 

Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikasının Mərkəzi Bankı tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Son xəbərlər
Digər xəbərlər