“İpək Yolu Sığorta” ASC 2026-cı ilin birinci rübündə xalis mənfəəti illik müqayisədə 28.3% və ya 199 749 manat artaraq 904 705 manata çatıb.
Banker.az bu barədə sığorta şirkətinin maliyyə hesabatına istinadən xəbər verir.
Hesabat dövründə şirkətin ümumi gəlirləri ötən ilin müvafiq dövrü ilə müqayisədə 4.7% və ya 369 650 manat azalaraq 7 509 529 manat təşkil edib. Əsas əməliyyat gəlirləri 5.9% azalaraq 5 920 777 manata düşüb. Ötən illə müqayisədə investisiya gəlirləri 32.3% (215 884 manat) artaraq 883 884 manata çatıb. Digər gəlirlər 22% artımla 681 320 manat olub.
Əsas əməliyyat xərcləri 866 810 manat azalaraq 4 713 358 manat təşkil edib. İşlərin aparılması xərcləri 7.6% azalaraq 1 265 064 manata düşüb.
“İpək Yolu Sığorta” ASC-nin aktivlərinin həcmi illik müqayisədə 2.7% və ya 598 278 manat azalaraq 22 030 403 manatdan 21 432 125 manata düşüb.
