Tanınmış insayder “Sonny Dickson” bütün iPhone 16 modellərinin ilk “canlı” şəklini şəbəkəyə sızdırdı. Daha əvvəl o, gələcək “Apple” smartfonlarının çertyojlarını dərc etmişdi.
Fotoda əsas dizayn dəyişiklikləri görünür. Ən diqqətçəkən şey iPhone 16 və 16 Plus modellərindəki yeni kamera quruluşudur.
iPhone 15-dəki kimi diaqonal yerləşmə əvəzinə modullar indi şaquli şəkildə yerləşdirilib. Şayiələrə görə, bu, “Apple Vision Pro” əlavə reallıq dəbilqəsində videoların yazılması dəstəyinin tətbiqi ilə bağlıdır.
Dəyişikliklər Pro versiyalarının ekran ölçülərinə də təsir edib. iPhone 16 Pro Max 6.9 düymlük ekrana sahib olacaq ki, bu da onu bu günə qədər ən böyük Pro Max edir (6.7 düymdən yuxarı). iPhone 16 Pro da bir qədər “böyüyəcək” – 6.1-dən 6.3 düymədək.
Xatırladaq ki, ənənəvi olaraq yeni iPhone-ların təqdimatı sentyabrda gözlənilir.
