Azərbaycanda ipoteka (daşınmaz əmlak) kreditlərinin həcmi tarixdə ilk dəfə 4 milyard manatı adlayıb.
Banker.az bu barədə Azərbaycan Mərkəzi Bankının 2024-cü ilin 1 avqust tarixinə olan statistik bülleteninə istinadən xəbər verir.
Belə ki, hesabat dövründə ipoteka kreditləri 4 milyard 19.5 milyon manat olmaqla son bir ayda 2.5%, ilin əvvəlindən isə 11% artmış olub.
Hesabata görə, İpoteka və Kredit Zəmanət Fondu tərəfindən yenidən maliyyələşdirilmiş ipoteka kreditləri illik 7% azalaraq 7 ay ərzində cəmi 246.2 mln. manat olub.
Dövlət büdcəsindən 7 ay ərzində ayrılan depozitlərin həcmi isə 65.8 mln. manat olmaqla dəyişməz qalıb.
Fond birjadan 300 mln. manatlıq 7 aya istiqraz buraxmaqla vəsait cəlb edib ki, bu göstərici də öncəki ilin analoji dövrünü 76% üstələyib.
İpoteka kredit faizləri iyulda orta ölçüdə 6.34%-dən 6.35%-ə qalxıb.
