İran Hörmüz boğazında gəmiçiliyin mərhələli şəkildə bərpasını davam etdirir və hazırda boğazın buraxılış qabiliyyəti müharibədən əvvəlki səviyyənin təxminən 50%-nə çatıb. Bu barədə İslam İnqilabı Keşikçiləri Korpusunun (SEPAH) Hərbi Dəniz Qüvvələri məlumat yayıb.
İranın dövlət teleradio şirkəti IRIB-in yaydığı açıqlamada bildirilir:
“Son iki həftə ərzində müqavimət qüvvələri Hörmüz boğazında nəzarəti sabitləşdirib və təhlükəsizliyi təmin ediblər. Eyni zamanda boğaz mərhələli şəkildə açılıb və onun buraxılış qabiliyyəti müharibədən əvvəlki səviyyənin təxminən 50%-nə çatdırılıb”.
SEPAH Hərbi Dəniz Qüvvələri həmçinin bildirib ki, ABŞ-nin gəmilərin hərəkət marşrutlarının müəyyənləşdirilməsinə müdaxiləsi boğazın fəaliyyətinin mərhələli şəkildə bərpası prosesini ciddi şəkildə pozur.
