ABŞ və İsrailin İrana qarşı əməliyyatı çərçivəsində Vaşinqtonun hərbi xərcləri bu günə qədər 29 milyard dollar təşkil edib.
Bunu Pentaqonun baş maliyyə məmuru Culs Hörst bildirib.
O qeyd edib ki, bu məbləğə hərbi texnikanın yenilənməsi, təmiri və dəyişdirilməsi, eləcə də əməliyyat xərcləri daxildir.
Hörst vurğulayıb ki, xərclər ötən ayın sonunda açıqlanan göstərici ilə müqayisədə 4 milyard dollar artıb.
Qeyd edək ki, aprelin sonunda ABŞ-nin müharibə naziri Pit Heqset İrana qarşı hərbi əməliyyat çərçivəsində ABŞ-nin xərclərinin 25 milyard dollar təşkil etdiyini bildirib.
