“Bank Melli İran” Bakı filialı 2024-cü ilin ilk rübünü (yanvar-mart) 2 milyon 490 min manat xalis mənfəət ilə başa vurub. Filial 2023-cü ilin eyni aylarını 621 min manat xalis mənfəət ilə bağlayıb ki, bu da illik müqayisədə 4 dəfə çoxdur.
Banker.az bu barədə bankın maliyyə hesabatına istinadən xəbər verir.
Ötən ilin yanvar-mart aylarında “Bank Melli İran” Bakı filialının xalis faiz gəlirləri 798 min manat ikən, bu ilin 3 ayında 1 milyon 151 min manata qalxıb.
Bu il aprel ayının 1-nə İran bankının aktivləri 114 milyon 827 min manat olub ki, bu da ötən ilin sonuna nisbətən 6% azdır. Bunun 3 milyon 203 min manatı müştərilərə verilmiş kreditlərdir. Son 3 ayda Bakı filialının kredit portfeli 22% kiçilib.
Hesabat dövründə bankın cəmi öhdəlikləri 71 milyon 180 min manat, cəmi kapitalı 43 milyon 647 min manat, yığılmış zərəri isə 29 milyon 964 min manat təşkil edib.
