Əməkdaşlarınızın yanından keçərkən onlarla salamlaşın və adlarını çəkin (Onların adlarını öyrənin, əgər bunu hələ etməmisinizsə).
“Təşəkkür”, “Afərin” və s. bu kimi sözləri adi kağız parçasına yazaraq əməkdaşınızın iş masasının üzərinə qoyun.
Əməkdaşınızın vaxtından əvvəl getməsinə şərait yaradaraq iş gününü tətil elan edin və yaxud yarım iş gününü ona hədiyyə edin.
Şirkətin dəhlizində, yeməkxanada və yaxud mümkün olan istənilən yerdə şirkətin ayrı-ayrılıqda məhsul, layihə ilə bağlı fəaliyyət nəticələrini əks etdirən lövhə asın və həftə, yaxud ay ərzində dəyişən göstəriciləri orada qeyd edin.
Həftədə və yaxud ayda bir dəfə əməkdaşlarınıza dadlı nə isə bir şey gətirin. Bu tort, pizza, alma, konfet, fındıq və yaxud popkorn ola bilər.
Hər bir əməkdaşın otağının qarşısında onun adını əks etdirən lövhənin olmasına şərait yaradın. İnsanlar öz adlarını görməyə daim şaddırlar və bu zaman özlərini əvəzedilməz hiss edəcəklər.
Əmin olun ki, əməkdaşlarınızı yalnızca məlumatlandırmaq deyil, dinləmək bacarığına da sahibsiniz.
Adətən fəaliyyəti kölgədə qalan əməkdaşlar üşün xüsusi mükafat düşünün.
Həftədə və yaxud ayda bir dəfə adətən üsnsiyyət qurmaq imkanınızın olmadığı əməkdaşlarla görüş təşkil edin. Görüş zamanı onların suallarını cavablandırın və mövcud problemləri ilə maraqlanın.
Əməkdaşlarınıza hər hansı vacib məsələdən bəhs edin və onun həlli ilə bağlı variantlarını səsləndirmələrini xahiş edin.
