İsrailin müdafiə nazir Yoav Qallant və Türkiyənin milli müdafiə naziri Yaşar Gülər arasında telefon danışığı olub.
Bu barədə İsrailin müdafiə naziri “Twitter”də bildirib.
“Bu səhər mən həmkarım, Türkiyənin müdafiə naziri Yaşar Gülərlə ilk dəfə danışdım. Biz əməkdaşlığı və təhlükəsizlik sistemləri arasında dialoqu gücləndirmək yollarını müzakirə etdik. Mən Türkiyənin müdafiə naziri ilə telefon danışığımda vurğuladım ki, ölkələrimiz arasında münasibətlərin möhkəmləndirilməsi bizim ümumi strateji təhlükəsizlik marağımızdadır və bu, Yaxın Şərqdə sabitliyi yaxşılaşdıracaq”, – İsrailin müdafiə naziri qeyd edib.
