“Johnson & Johnson” korporasiyası COVID-19 əleyhinə peyvəndinin təsdiqi üçün ABŞ tənzimləyicisinə müraciət göndərib.
Banker.az bu barədə “RİA Novosti”ə istinadən xəbər verir.
“Johnson & Johnson şirkətin bir hissəsi olan Janssen Biotech-in ABŞ Qida və Dərman İdarəsinə (FDA) bir komponentli peyvəndinin təcili istifadəsinə icazə verilməsi barədə müraciət göndərdiyini bildirir”, – mesajda deyilir.
Qeyd edək ki, şirkətin istehsal etdiyi peyvənd yanvar ayının sonunda 72% effektiv olduğunu göstərib. Ağır keçən xəstəliyin qarşısının alınması üçün effektivlik 85% təşkil edib.
Hal-hazırda ABŞ-da yalnız iki preparatın istifadəsinə icazə var – “Pfizer-BioNTech” və “Moderna”.
