“Kapital Bank” ASC-də depozit portfeli yenidən 6 milyard manat səviyyəsini keçib.
Banker.az bu barədə bankın maliyyə hesabatına istinadən xəbər verir.
Ötən ilin sonu ilə müqayisədə cari ilin ilk 6 ayı ərzində “Kapital Bank”da depozitlər 140 milyon 151 min manat və ya 2.5% artaraq 6 milyard 239 milyon manat olub.
2022-ci ilin müvafiq dövründə bankın depozit portfeli 6 milyard 88 milyon manat, bu ilin 1-ci rübündə depozit portfeli 5 milyard 913 milyon manat təşkil etmişdir.
O cümlədən, fiziki şəxslərin depozitləri 84 milyon manat artaraq 1 milyard 989 milyon manata, hüquqi şəxslərin depozitləri isə 67 milyon manat artaraq 4 milyard 250 milyon manata çatıb.
