ABŞ Nümayəndələr Palatasının məhkəmə məsələləri üzrə Komitəsi, Donald Trampa qarşı yeni istintaq prosesini başlayacaq. Komitənin verdiyi məlumata görə, prezident cinsi əlaqədə olduğu qadınları susdurmaq üçün onlara pul verir.
Banker.az xəbər verir ki, bu haqda mənbələrə istinadən The Washington Post yazır.
Komitə dinləmələr keçirməyi planlaşdırır. Nümayəndələr Palatasındakı demokratlar hesab edirlər ki, hazırda Trampın bu epizodun iştirakçısı olduğunu sübut edən kifayət qədər dəlil var.
2006-2018-ci il aralığında prezidentin şəxsi vəkili olan Michael Cohen, kampaniyanın maliyyələşdirilməsi qaydalarını pozduğuna və Konqresə yalan ifadə verdiyinə görə 3 illik həbs cəzasına məhkum edilmişdir.
Donald Tramp ittihamları rədd edir.
