Rusiya Ukraynadakı münaqişənin həllini sülh yolu ilə həll etməyə çalışan bütün ölkələrin səylərini yüksək qiymətləndirir, lakin hələlik bu mümkün deyil.
Bunu Rusiya Prezidentinin mətbuat katibi Dmitri Peskov deyib.
O bildirib ki, Rusiya Federasiyası öz məqsədlərinə çatmalıdır: “Biz bilirik ki, bir çox dövlətlər bu münaqişənin həllində vasitəçilik səylərini təklif edirlər, o cümlədən biz Vatikandan belə bəyanatlar eşitmişik. Biz bu münaqişənin həllini sülh yolu ilə həll etmək üçün artıq xeyli səy göstərən ölkələrin rolunu yüksək qiymətləndiririk. Lakin bu hələlik mümkün deyil. Hələlik bu münaqişə hərbi yolla həll olunur. Biz öz məqsədlərimizə nail olmalıyıq. Hazırda bu, Kiyev rejiminin indiki mövqeyi ilə ancaq hərbi yolla mümkündür. Burada heç nə dəyişməyib”, -deyə Kremlin sözçüsü əlavə edib.
