“Level Leasing” ASC 2024-cü ilin 1-ci yarım ilini 522 min manat mənfəətlə başa vurub.
Banker.az bu barədə şirkətin yarımillik hesabatına istinadən xəbər verir.
Bu ilin 6 ayında “Level Leasing” ASC-nin faiz gəlirləri 1 milyon 253 min manat, faiz xərci 479 min manat, komissiya gəlirləri 19 min manat təşkil edib.
Hesabat dövründə lizinq şirkətinin cəmi aktivləri 11 milyon 193 min manat, cəmi öhdəlikləri 9 milyon 621 min manat, kapitalı isə 1 milyon 572 min manat olub.
“Level Leasing” ASC-nin səhmdarları Qarayeva Mənzər İsrail qızı (52%), Rzayeva Elmira Xəlil qızı (19%), Quliyeva Solmaz Hüseyn qızı (19%) və Məmmədova Rəqsanə Abdulla qızıdır (10%).
