“Partner Finance” QSC 2022-ci ili 496 722 manat xalis mənfəətlə bitirib.
Banker.az xəbər verir ki, bu barədə şirkətin illik hesabatında bildirilir.
Hesabata görə, 2020-ci ildə onun xalis mənfəəti 40 110 manat, 2021-ci ildə isə 224 136 manat olmuşdur.
“Partner Finance” QSC-nin aktivlərinin həcmi son ildə kəskin artımla 4 551 188 manatdan 8 075 196 manata yüksəlib.
Qeyd edək ki, “Partner Finance” QSC maliyyə lizinqi bazarında rəqabət aparır. Emitent daşınar və daşınmaz əmlakların maliyyı lizinqinə verilməsi sahəsində fəaliyyət göstərir. Bu sahəyə təsir edən tendensiya satış baxımından kredit faiz dərəcələri və daşınar və daşınmaz əmlakların qiymətlərindəki dəyişkənliklər, lizinq ödənişləri baxımından isə lizinqalanların ödəmə qabiliyyətidir.
